• Halkara agyr atletika federasiýasy (IWF) bäş kontinentiň ählisinden, tutuş dünýäden 192 sany affilirlenen milli federasiýadan ybarat bolan, hemişelik täjirçilik-däl guramadyr
• Agyr atletika sporty 1896-njy ýyldaky ilkinji häzirkizaman Olimpiýa oýunlaryna girizilen ilkinji sport ugurlarynyň hatarynda durýar
• 1905-nji ýylda esaslandyrylan IWF  iň baýry halkara sport federasiýalarynyň biridir
• IWF tutuş dünýäde agyr atletika boýunça dolandyryjy edaradyr
• IWF Halkara Olimpiýa komiteti (IOC) tarapyndan halkara agyr atletika sportunyň ýeke-täk dolandyryjy edarasy hökmünde ykrar edilýär
• IWF SportAccord-yň we Tomusky Olimpiýa halkara federasiýalarynyň assosiasiýasynyň (ASOIF) agzasydyr

Garaýşy

• Esasy sport ugry hökmünde agyr atletikany ösdürmek, şeýle hem, onuň ähli gatnaşyjylarynyň bähbidi üçin ösüşi, saglygy we agzybirligi goldamak

Maksady

• Agyr atletika sportuny tutuş dünýäde ösdürmek, öňe sürmek we düzgünleşdirmek
• Sportuň we Olimpiýa ýörelgeleriniň esasy gymmatlyklaryny amala aşyrmak
• Parahatçylyk we özara düşünişmek boýunça ähli başlangyçlary goldamak
• Ýaryşlaryň Fair Play ruhunda bolmagyny öňe sürmek we gazanmak
• Millet, reňk, jyns, din ýa-da syýasat sebäpli hiç hili alalamazdan dürli kontinentlere, ýurtlara, adamlara deň şertleri üpjün etmek

 Öňde goýlan sepgitler

• Agyr atletika sportuny halkara möçberde guramak, dolandyrmak we ösdürmek
• Sporty we IWF-i parlamentar demokratiýanyň we aç-açanlygyň ýörelgelerine we tejribesine laýyklykda düzgünleşdirmek
• Agyr atletika boýunça kadalary we düzgünnamalary kesgitlemek
• Ähli halkara agyr atletika ýaryşlaryny dolandyrmak we düzgünleşdirmek
• Dünýä çempionatlaryny, Olimpiýa saýlama ýaryşlaryny we beýleki iri sport çärelerini guramak
• Olimpiýa oýunlaryny we agyr atletika ýaryşlaryny guramakda IOC bilen hyzmatdaşlyk etmek
• Türgenleriň we resmi taraplaryň howpsuzlygyny we saglygyny üpjün etmek
• Dopinge garşy göreşmek
• Milli federasiýalarda agyr atletikanyň ösdürilmegini goldamak
• Kontinental, sebitleýin we beýleki köp-sportly oýunlarda agyr atletika ýaryşlaryna gözegçilik etmek
• Kontinental we sebitleýin federasiýalaryň işjeňliklerine gözegçilik etmek
• Halkara tehniki wekilleriň bellenilmegini hasaba almak we düzgünleşdirmek
• Türgenleri we resmileri okatmak
• IWF bilen milli federasiýalaryň arasynda ähliumumy bähbidi gorap saklamak, şeýle hem, özara hormat goýmagy we agzybirligi üpjün etmek
• Dünýä we Olimpiýa rekordlaryny bellige almak we tassyklamak