Ýurdumyzda Agyr atletika boýunça dünýä çempionaty gyzgalaňly ýagdaýda dowam edýär. 

Bu çempionata gelen myhmanlar Olimpiýa şäherjiginiň gurluşyna diýseň ýokary derejede baha berýärler.

Myhmanlar esasanam şäherjigiň desgalaryň biri-birine ýakyn ýerleşmegini, olaryň milli äheňde gurulmagynyň  uly ähmiýetiniň barlygyny bellediler.
Aşgabada gelen daşary ýurtly bilermenler dünýä çempionatynyň ýokary derejede guralandygyny görüp, Türkmenistanyň  Olimpiýa oýunlaryny-da geçirip biljekligini nygtaýarlar.

Olimpiýa şäherjiginiň daş-töwereginde iri ulag ýollary geçýär. Bu örän ähmiýetli faktor bolup, toplumyň ähli desgalaryna päsgelsiz barmaga mümkinçilik döredýär. 

Mundan başga-da Olimpiýa şäherjiginiň içinde türgenlere we myhmanlara monorelsiň göwnejaý hyzmat edýänligini aýratyn belleýärler.

Gunça GURBANMÄMMEDOWA, 
Türkmenistanyň Milli sport we syýahatçylyk institutynyň sport žurnalistikasy hünäriniň talyby.